१३ कात्तिक, काठमाडौं । सलार्हीमा नेपाली कांग्रेस र नेपाल कम्युनिष्ट पार्टीका कार्यकर्ताबीच भएको झडपमा गोली चल्दा एकको मृत्यु भएको छ ।
सर्लाहीको रामनगर ४ मा झडपमा क्रममा चलेको उक्त गोली लागेर स्थानीय रामविलास महतोको मृत्यु भएको जिल्ला प्रहरी कार्यालय सर्लाहीले जनाएको छ ।
। अज्ञात व्यक्तिले भरुवा बन्दुक चलाउँदा गोली लागेर उनको मृत्यु भएको हो । प्रहरीका अनुसार गोलीको छर्राले लागेर घाइते भएका अन्य ४ जनाको अवस्था सामान्य रहेको छ । गोली चलाउने व्यक्तिको पहिचान हुन नसकेको पनि प्रहरीले जनाएको छ ।
जिल्ला प्रहरी कार्यालय सर्लाहीका इन्सपेक्टर कुन्दन देवले हालस्थिति सामान्य रहेको बताउँदै घाइतेहरुलाई उपचारका लागि विरगंज लगिएको संसारन्युजलाई बताए ।
सोमबार नागरिकताको सिफारिस लिन गएका नेकपाका समुह र वडाअध्यक्ष रामनरेश महतोसँग विवाद भएको बताइएको छ । रामनरेश नेपाली कांग्रेसबाट वडाअध्यक्षमा निर्वाचित भएका थिए । सोमबार विवादका कारण उनीमाथि आक्रमण समेत भएको थियो । सोमबार वडा कार्यालय जाँदै गरेका उनलाइ २०–२५ जनाको समुहले आक्रमण गरेको अध्यक्ष महतोले बताएका थिए ।
वि.सं.२०७५ कात्तिक १३ मंगलवार १३:५८ मा प्रकाशित