हामी सबैकाे संसारन्यूज

१४ कात्तिक,अमेरिका । क्यालिफोर्नियामा केरलाका भारतीय मूलका जोडी स्वयमको तस्बिर(सेल्फी) लिने क्रममा लडेर दुबै जनाको निधन भएको संचार माध्यमले जनाएका छन् । क्यालिफोर्निया स्थित ओसेमिटी नेसनल पार्क (राष्ट्रिय उद्यान) मा उक्त घटना भएको हो ।

उक्त राष्ट्रिय पार्कको चट्टानको छेउमा गएर २९ बर्षिय बिष्णु विश्वनाथ तथा ३० बर्षिय मिनाक्षी मुर्तिले स्वयमको तस्बिर लिने क्रममा झरेर मृत्यु भएको खबर उनीहरुका परिवारका सदस्यहरुले दिएका छन् । उक्त उच्च स्थानमा रहेको चट्टानमा बार्दली (रेलिङ्ग) नभएको कारण उनीहरुका शव गत हप्ता बिहिबार मात्र प्रहरीले फेला पारेको जनाएको छ ।

विश्वनाथको भाइले भारतीय संचार माध्यमलाई जोडीले स्वयमको तस्बिर लिने क्रममा दुखद घटना भएको बताएका थिए । मृतक जोडी अमेरिकामा बसोबास गर्ने र यस्ता साहसिक कार्यमा र भ्रमण जान सदैव उत्साहित हुने गरेको संचार माध्यममा समाचार छ । हालसालै इन्स्टाग्रममा आफूले खिचेको तस्बिर राख्दै मुर्तिले भनेकी थिइन् “हाम्रो जीवन केवल एक तस्बिरको लायक छ ।’
प्रहरीको अनुसन्धानमा उक्त जोडी कम्तिमा पनि ८ सय फिट मुनि खसेको देखिएको छ । शवलाई झिक्न निकाल्न हेलीकप्टर प्रयोग गरिएको समाचार याहु डटकममा छ । भारतमा सन् २०११ देखि स्वयम को तस्बिर खिच्ने क्रममा १ सय ५९ जनाको मृत्यु भै सकेको एक अध्ययनले वताएको छ ।
मृतक विश्वनाथ सूचना प्रविधिका अभियन्ता थिए भने सन जोसमा काम गर्दथे ।