हामी सबैकाे संसारन्यूज

१७ कात्तिक, काठमाडौं । अघिल्लो शुक्रबार आइसीसी एकदिवसीय विश्वकप क्रिकेट प्रतियोगिताको ट्रफि नेपाल भ्रमणमा ल्याइयो । ट्रफि चारदिन नेपालमा रह्यो । अर्को वर्ष आयोजना हुने एकदिवसीय विश्व कप अघि संसारव्यापी क्रिकेटको माहोल तयार पार्न ट्रफि नेपाल ल्याइएको थियो ।
ट्रफिलाई राष्ट्रपति भवन पु¥याइयो । राष्ट्र प्रमुख विद्यादेवी भण्डारीले ट्रपिल उचालेर तस्बिर खिचाइन् । ट्रफि नेपाल घुमाएर फिर्ता लगिसकिएको छ । तर, त्यसको आगमनबारे देशका कुनैपनि आधिकारीक निकायलाई जानकारी नगराइएको खुलेको आजको अन्नपूर्णपोस्ट दैनिकमा समाचार छ ।
युवा तथा खेलकुद मन्त्रालय र राष्ट्रिय खेलकुद परिषद् नेपाली खेलकुदका दुई नेतृत्वदायी निकाय हुन् । दुवै निकायले विश्वकप ट्रफि नेपाल भ्रमण ल्याइएको बारे आफूहरुलाई कुनै जानकारी नगराइएको दाबी गरेका छन् ।
ट्रफिलाई उपराष्ट्रपति नन्द बहादुर पुन र प्रधानमन्त्री केपी ओलीसँग पनि भेटाउने प्रयास गरिएको थियो ।