हामी सबैकाे संसारन्यूज

२५ कात्तिक, लाहान । सिरहा नगरपालिका २ गोढियारीकी लालझरी मलिकले बर्षौदेखि टोलकै सार्वजनिक पोखरीमा छठ पर्वको अर्घ चढाउँदै आएकी छन् । यहि पोखरीमा यस टोलका अन्य जातका ब्रतालु पनि छठ पूजा गर्छन् । अरुबेला मालिकसँग समाजका अन्य जातले छुवाछुतको भेद गरेपनि छठ घाटमा सबै सँगै हुन्छन् । न कसैको पूजा सामग्री कसैसँग छोइन्छ न कोही कसैसँग । मलिक भन्छिन्,‘ छठका बेला हामी बर्षभरीका पीडा भुल्छौं ।’
छठ पर्वमा सबै जातजाति जातीय घेराभन्दा माथि उठेर जातिको परिधिभित्र खुम्चिन पुग्छन् । मलिक भन्छिन्,‘ अरु जाति पनि उही सुर्यदेवलाई पूजा गर्छन् हामी पनि उनैलाई नै ।’
त्यस्तै लाहान १० का भूतनाथ उपाध्याय ६५ वर्षका भए । पहाडी मुलका उपाध्यायलाई थाहा भएदेखि नै उनको परिवारमा छठ मनाइदै आएको छ । गोलबजारकी डम्बर कुमारी श्रेष्ठले छठ पूजागर्न थालेको ५५ वर्ष भयो । छोरा पाउनका लागि गरेको भाकल पूरा भएपछि उनले यो संस्कृति अंगालेकी हुन् । आजको नागरिक दैनिकमा समाचार छ ।