२८ कात्तिक, काठमाडौ कर्मचारी सरुवाका विषयमा फेसबुकमा स्टाटस लेख्दा शिक्षा मन्त्रालयले उपसचिवलाई स्पष्टीकरण सोधेको छ । शिक्षा सचिव खगराज बरालले उपसचिव ईश्वरी पोखरेललाई ‘किन कारबाही नगर्ने’ भनी ३ दिने स्पष्टिकरण सोधेका हुन् ।
पोखरेलले शिक्षाका उपसचिवहरुलाई नगरपालीकामा खटाइएको र मन्त्रालयले फेसबुक सञ्चालनसम्बन्धी स्टाटसमार्फत असन्तुष्टि पोखेका थिए ।
शिक्षा मन्त्रालयले कात्तिक १३ गते आफ्नो मातहतका कर्मचारी , शिक्षक र प्रध्यापकलाई फेसबुक सञ्चालनसम्बन्धी मार्गनिर्देशन जारी गरेको थियो । जसमा मन्त्रालयका गतिविधिको सर्मथन गर्न पाईने तर खण्डन गर्न नपाईने उल्लेख छ । मार्गनिर्देशनले व्यक्तिगत स्वतन्त्रतामा समेत अंकुश लगाउन खोजिएको भन्दै चौतर्फी विरोध हँुदै आएको छ । पोखरेलले कात्तिक १६ गते स्टाटस लेखि मन्त्रालयका गतिविधिबारे प्रश्न उठाएका थिए । उनले मंगलबार प्रधानमन्त्री , शिक्षामन्त्रीलगायत सरकारा विभिन्न ११ निकायलाई स्पष्टीकरण पठाएका छन् । आजको दैनिक पत्रिका
वि.सं.२०७५ कात्तिक २८ बुधवार ०८:५३ मा प्रकाशित