हामी सबैकाे संसारन्यूज

३० कात्तिक, काठमाडौं । पर्यटक भिसामा नेपाल आएर धर्म प्रचार गर्दै हिड्ने तीन विदेशीलाई गृहमन्त्रालयले कारबाही सुरु गरेको छ । जापानी यासुको ओबा र मारी इकुरा तथा अष्ट्रेलियन महिला कटिया ग्राहमलाई जरिवाना गराएर निष्कासन गर्न लागिएको अध्यागमन विभागका महानिर्देशक ईश्वरराज पौडेलले बताए ।
ईसाई धर्म प्रचार गर्दैगर्दा पक्राउ परेको उनीहरु अहिले अध्यागमन विभागको हिरासतमा छन् । यासुको मारी १८ कात्तिकमा बुटवलबाट पक्राउमा परेका थिए भने अष्ट्रेलियन नागरिक ग्राहक गत सोमबार बर्दियाको गुलरियाबाट पक्राउ परेका थिए ।
पर्यटक भिसामा नेपाल आएर अन्य काम गरे कारबाही हुने प्रावधान अध्यागमन ऐनमा छ । धर्म परिवर्तन गर्ने कार्यलाई त नेपालको कानुनले नै अबैद्य ठहर गरेकाले उनीहरुलाई कारबाही गर्न लागिएको विभागले जनाएको छ ।
नेपालमा बसेर विदेशीहरु धर्मपरिवर्तनमा सक्रिय हुन थालेको भन्दै गृहमन्त्री राम बहादुर थापा (बादल) ले असन्तुष्टि व्यक्त गरेका छन् । आजको नयाँपत्रिका दैनिकबाट