हामी सबैकाे संसारन्यूज

३० कात्तिक, काठमाडौं । मन्त्री पदबाट बर्खास्त गरिएका सुदुरपश्चिम प्रदेशका विकासमन्त्री दीर्घ सोडारीलाई नेकपाले साधारण सदस्य पनि नरहने गरी निष्कासन गरेको छ । यस्तो अवस्थामा उनको सांसद पद के हुन्छ भन्ने चर्चा परिचर्चा चलेको छ ।
यसै विषयमा नेकपाले उनको सांसद पद रहिरहने जनाएको छ । प्रदेश अध्यक्ष कर्ण थापाले उनलाई पार्टी सदस्यबाट मात्र कारबाही गरिएको बताएका छन् ।
नेकपाका स्थानीय नेताका अनुसार, उनी लामो समयदेखि धनगढीकै एक महिलासँग प्रेम सम्बन्धमा थिए । त्यो स्थानीय नेता तथा कार्यकतालाई पहिल्यै देखि थाहा थियो । यहि विषयमा उनकी श्रीमतीले थाहा पाएपछि पटक पटक विवाद हुँदै आएको पनि थियो । तर, पछिल्लो समय उनीहरुको सम्बन्ध विग्रीएको नेकपाका नेताको भनाई छ । यसमा नेकपाभित्रकको गुटगत राजनीतिले थप विवाद बढाएको बताउँछन् । उनीहरुका अनुसार सोडारीले फोन गरेको र उनकी श्रीमतीले ती महिलालाई फोनमै गाली गरेको रेर्कड केन्द्र सम्म पुगेको हो । आजको नयाँपत्रिका दैनिकबाट