हामी सबैकाे संसारन्यूज

२ मंसीर,काठमाडौं । सरकारले सेनामार्फत् राष्ट्रपति विद्यादेवि भण्डारीलाई ‘विलासी’ गाडीको सेट नै खरिद गर्ने भएको छ । औपचारिक कार्यक्रममा जाँदा चढ्ने, अनौपचारिक रुपमा उपयोग गर्ने, सुरक्षा अधिकारीले प्रयोग गर्ने सहित ८ गाडी किन्ने तयारी गरेको आजको अन्नपूर्णपोस्ट दैनिकमा समाचार छ ।
२०७४ असारको गाडी खरिद प्रक्रिया अघि बढेको एक अधिकारीले बताए । राष्ट्रपति चढ्ने गाडी बाटैमा रोकिएको र सुरक्षामा समेत समस्या देखिन थालेको भन्दै नयाँ किन्न लागिएको थियो । सरकारले तयतिबेला राष्ट्रपतिलाई गाडी किन्ने प्रयोजनमै चार करोड रुपैयाँ छुट्याएको थियो ।
सेनाले सुरक्षाको निम्ति असहज भएको भन्दै त्यति रकमले नपुग्ने बताएको थियो । उसले १६ करोड मागेको थियो । सरकारले सेनाको माग अध्ययन गरेर अहिले १४ करोड ३० लाख रुपैया निकासा गरेको हो । केहीदिन अघिमात्र निकासा भएको अर्थमन्त्रालय उच्च श्रोतले बतायो । यसवर्षकै मन्त्रिपरिषद्को निर्णय अनुसार सरकारले १४ करोड ३० लाख थप बजेट दिएको हो । गाडी खरिद शीर्षकमै १८ करोड भन्दा बढी रकम छुट्याइ सकेपनि पनि कुन प्रकारको कस्तो गाडी ल्याउने भन्ने सेनाको जिम्मामा छ ।