हामी सबैकाे संसारन्यूज

२ मंसीर, वीरगन्ज । टोलकै चारजनाले एक महिलालाई सामुहिक बलात्कार गरे । वीरगन्ज महानगरपालिका १८ भवानीपुर सौराहा टोलकी दलित महिला दुई दिनसम्म कतै उजुरवाजुर गर्न गइनन् । डरले मौन बसिन् । उनका पति बैदेशिक रोजगारमा छन् । बलात्कार भएको दुईदिन सम्म एक युवकले भिडियो देखाउँदै पैसा मागे । पैसा नदिए सबैलाई देखाइदिने भनेर धम्क्याए । त्यसपछि पीडित महिलाले गाउँकै एक सामाजिक कार्यकर्तासाग सल्लाह गरी कात्तिक १२ गते जिल्ला प्रहरी कार्यालय पर्सामा ती चार विरुद्ध किटानी जाहेरी दिइन् । मुद्दा प्रहरीकोमा गएपछि ती आरोपित फरार छन् ।
कात्तिक ५ गते घरबाहिर सौच गर्न गएका बेला सौराहा टोलका मनोज साह तेली, आकाश साह, कृष्ण साह र गोपी सहनीले बलात्कार गरेको पीडित महिलाको आरोप छ ।
बलात्कार भएको थाहा पाएपछि गाउँघरमा नराम्रो नजरले हेर्ने भएकाले कसैलाई नसुनाएको उनले बताइन् । ‘चुप थिए चर, भिडीयो देखाएर १५ हजार रुपैयाँ माग्न आए,’ उनले भनिन्, ‘आकाशले भिडियो देखाएपछि झसंग भएँ । एक त बलात्कार गरे, त्यसमाथि भिडीयो बनाएर पैसाको बार्गेनिङ गर्न थाले,त्यहि भएर प्रहरीमा निवेदन दिए ।’ आजको कान्तिपुर दैनिकमा समाचार छ ।