हामी सबैकाे संसारन्यूज

२ मंसीर, दार्चुला । भारतले अनुमतिच नदिई नेपाली क्षेत्रमा धमाधम बाटो बनाउन थालेको छ । दार्चुलाको व्यास गाउँपालिका २ को ताम्बुकदेखि थिङभिरको फेदसम्म एकलौटी बाटो बनाउन थालेको आजको नयाँपत्रिका दैनिकमा समाचार छ ।
भारतीय सडक निर्माण भइरहेको छ । त्यहाँको घटीयाबगर–लखनपुर–लिपुलेक सडक निर्माणका लागि खटिएका भारतीय सेना र उत्तरतिरको बस्तीका लागि खाद्यान्न लगायत सामान ढुवानी गर्न नेपालतर्फ बाटो निर्माण भइरहेको निर्माण कम्पनीका प्रतिनिधि साजन विष्टले बताए । ‘भारतीय क्षेत्रमै आवत जावत गर्न अप्ठेरो छ, नेपालबाट सजिलो भएकाले बनाइरहेका छौं,’ विष्टले भने । भारतीय लोक निर्माण विभाग पिथौरागढअन्तर्गत सडक निर्माण भइरहेको छ । त्यहि विभागको निर्देशनअनुसार नेपाली क्षेत्रमा बाटो बनिरहेको विष्टको भनाई छ । उनका अनुसार तम्बाक देखि थिङभिरको फेदसम्म साढे दुईकिलो मीटर बाटो निर्माण भइरहेको छ ।
यसैबीच बाटो निर्माणका लागि भारतीय पक्षले अनुमति नलिएको दार्चुलाका जिल्ला अधिकारी खुमकान्त आचार्यले बताएका छन् ।