हामी सबैकाे संसारन्यूज

नुवाकोट । पहिचानवादी कवितालाई बस्ति बस्तिमा पु¥याउने उदेश्यका साथ अगाडी बढिरहेको उन्मुक्त पुस्ताले शनिबार त्यस्ता केही कविता नुवाकोटको कुमरीमा पनि पु¥यायो । कोल्पु साहित्य समाजसँग सहकार्य गरेर कार्यक्रमको आयोजना गरेको उन्मुक्त पुस्ताले सयौं मान्छेको माझ कविता सुनाउँदै पहिचानवादी कविताको बारेमा प्रष्ट पा¥यो ।

कविता सुन्न ३ वर्षीया बालबालिका देखि ८० वर्ष सम्मका वृद्धवृद्धाहरुको उपस्थिती थियो । जिल्ला सदरमुकामबाट निकै टाढा रहेको उक्त बस्तिमा जिल्ला स्तरका कविहरुको उल्लेख्य उपस्थिती नभए पनि स्थानीय नवप्रतिभाहरुको उत्साहपूर्वक उपस्थिती थियो ।

उन्मुक्त पुस्ता, समकालीन कविता र आफर नाम दिइएको उक्त कार्यक्रममा प्रमुख अथितीको रुपमा रहेका गीतकार भुपाल राईले पहिचानवादी साहित्यले नै अन्यायको विरुद्ध लड्ने बताए । पहिचानवादी कवितालाई बस्ति बस्तिमा पु¥याउने आफ्नो वर्षौंदेखिको सपना उन्मुक्त पुस्ताले पूरा गरिदिएको उल्लेख गरे ।

कार्यक्रममा कोल्पु साहित्य समाजका सल्लाहकार शम्भु पनेरुले समाजमा राजनीति सँगसँगै साहित्यको उत्तिकै महत्व रहेको भन्दै राजनीतिमा देखिएका गलत प्रवृत्तिलाई साहित्यमार्फत चिरफार गर्नुपर्नेमा जोड दिए । साथै उनले आगामी दिनमा यस्ता कार्यक्रमको निरन्तरताको लागि पनि उन्मक्त पुस्तासँग आग्रह गरे ।

आख्यानकार केशव पुडासैनी ‘विमल’ ले अहिलेका कविता बस्ति बस्तिमा पुग्नु पर्ने बताए । उनले भने ‘यदि अहिलेको कविता बस्ति बस्तिमा पु¥याउन सकियो भने राजनीतिलाई पनि सहि बाटोमा डोहो¥याउन सकिन्छ ।’
कार्यक्रममा उन्मुक्त पुस्ताका अभियन्ताहरु माधव घिमिरे ‘अटल’, राजु स्याङ्तान, मुक्तान थेवा, हरिशरण परीयार, केवल बिनावी त्रिशुली बाङ्मय प्रतिस्ठानका अध्यक्ष श्रीहरि फुयाँल लगायतले कविता बाचन गरे ।