हामी सबैकाे संसारन्यूज

११ मंसिर काठमाडौ ।सडकमा गाई छोड्दा गाई धनी प्रहरीको हिरासतमा पुगेको भन्ने सुन्दा अचम्म लाग्ला । तर,राजधानीमा यस्तै एउटा घटना भएको छ । सडकमा बेवारिसे अवस्थामा गाई छाडेका कारण गाई धनी प्रहरीको हिरासतमा पुगेका छन् ।

गत १२ कात्तिकमा ललितपुरमहानगरपालिका -२३ धापाखेलमा भेटिएको घाइते गाईलाई ललितपुर महानगरपालिका २१ माथिल्लो खोकनामा रहेको स्नेहाज केयर सेन्टरले रेरक्यु गरेर उपचार थालेपछि गाईधनी प्रहरी हिरासतमा पुगेका हुन् ।

इन्स्योरेन्स समेत गरिएको सो गाई इन्स्योरेन्स गरेको व्यक्तिबाट दोस्रो व्यक्ति हुदै बिक्री गरेर तेस्रो व्यक्तिसम्म पुगेको प्रहरीले फेला पार्यो । प्रहरीले इन्स्योरेन्स ट्यागकै आधारमा गाई धनीलाई महानगरीय प्रहरी वृत्त सातदोबाटो बोलायो ।

बयानका क्रममा गाई किन्ने तेस्रो व्यक्ति ललितपुर महानगरपालीका -१५ धापाखेलका केदार घिमिरेले आफुले दुघ दिन छोडेपछि घाइते अवस्थामा रहेको गाईलाई सडकमा छाडेको बयान दिएपछि प्रहरीले उनलाई नयाँ मुलुकी अपराध संहिनताअनुसार पशुपक्षीसम्बन्धी कसुरमा अनुसन्धानका लागि हिरासतमा राखेको हो । घिमिरेले प्रहरीसमक्ष आफुले गाई किनेको तीन महिनापछि दुध दिन छाडेको र बिरामी भएपछि सडकमा छाडेको बयान दिएका थिए । आजको राजधानी दैनिक समाचारमा लेखिएको छ ।