हामी सबैकाे संसारन्यूज

११ मंसीर, काठमाडौ । श्रममन्त्री तथा रोजगार मन्त्री गोकर्ण विष्टका कारण एक चेलीले रुनु परेको छ ।
चारवर्ष देखि दुवईमा काम गदै आएकी इलामकी सरोजा १५ दिन अघि घर आएकी थिइन् । उनी यहाँ बस्दा बस्दै बैदेशिक रोजगार विभागले नयाँ नियम ल्यायो ।
कात्तिक २७ गते जारी नयाँ सूचनामा भनिएको छ, ‘ बैदेशि रोजगारमा पठाउँदा सम्बन्धित नेपाली नियोगबाट प्रमाणित भई आएपछि मात्रै बैदेशिक रोजगार ऐन २०६४’ बमोजिम श्रम स्वीकृति प्रदान गरिने भएको हुँदा सोहि बमोजिम कागजात पेस गर्नु÷गराउनु हुन सम्बन्धीत सबैको जानकारीका लागि यो सूचना प्रकाशित गरिएको छ ।’
विभागको नयाँ नियम थाहा पाउने वित्तिकै सरोजा आत्तिदै श्रम कार्यालय पुगिन् । आइतबार राति साढे ११ बजे उनको फ्लाइट थियो । तर, लाइन देखेपछि सातो गयो । त्यसपछि सुरु भयो उनको तनाव । उनी विभागका निर्देशकको कोठा खोज्दै विभागको तेश्रो तल्ला पुगिन् । उनले त्यहाँ ढोकामा भेटिएकी कर्मचारीलाई आफ्नो समस्या पोखिन् । विभागबाट आफ्नो काम नहुने संकेत पाउने वित्तिकै उनको आँखा भरियो ।
उनी हतारिदै निर्देशक भोलानाथ गुरागाईँको कोठामा पुगिन् । भित्र मिटिङको सुरसार थियो । उनले आफ्नो समस्या फटाफट भनिन् । ‘तपाइको जस्तो समस्या दिएर आउने धेरै छन्,’ निर्देशक गुरागाईँले सहानुभुति देखाउँदै भने, ‘ यही विषयमा हामी छलफल गर्न लागेका छौं ।’
‘लौन सर आजै दुबई उडिनँ भने मेरो कम्पनीले काममा नहाउनु भनेको छ । मेरो जागिर नै जान्छ सर ।’ सरोजाले आँसु झदै भनिन् । निर्देशक गुरागाईँ मिटिङका लागि तल्लो कोठातिर हिँडे ।
आफ्नो काम नबन्ने भएपछि पीडामा परेकी सरोजाले श्रममन्त्रीको फोन नं पत्ता लगाएर सिधै फोन गरे आफ्नो राति ११ः३० बजे फ्लाइट रहेको र श्रम स्वीकृति नपाएको भनेर सबै वेलिविस्तार लगाइन् ।
‘तपाइको बारेमा ताहाचल कार्यालयमा खबर गरेर एकछिनमा फोन गर्छु’ मन्त्रीको जवाफ थियो ।
मन्त्रीको जवाफ नआएपछि फेरि फोन गरिन् सरोजाले ।
‘उता फोन लागेन् फेरि फोन गर्छु’ भन्ने जवाफ मन्त्रीको ।
तेश्रोपटक मन्त्रीले फोन गरेर भने तपाइको कम्पनी परिवर्तन भएको रहेछ त्यस विषयमा छलफल हुँदैछ । एकसाताको लागि फ्लाइट डिले गर्नुस् मन्त्रीको सुझाव थियो ।
उनले यस्तै गरेर ट्याक्सीमा मन्त्रालय, विभाग धाउँदा धाउदै साझको ४ः ३० बज्यो दिनभरी भोकै हिडिन् । तर सरोजाको पिडा कसैले बुझिदिएन । आजको अन्नपूर्णपोष्ट दैनिकबाट ।