हामी सबैकाे संसारन्यूज

१२ मंसिर काठमाडौ । न्याय परिषद् सचिवालयले सर्वोच्च अदालतमा न्यायधीस दीपकराज जोशी प्रधानन्यायधीशमा योग्य रहेको अभिलेख संवैधानिक परिषद्मा पठाएको छ । सचिवालयले संसदीय सुनुवाइ समितिबाट एकपटक अस्वीकृत भइसकेका जोशीको अभिलेख दोस्रोपटक संवैधानिक परिषद्मा पठाएको हो ।

सचिवालयले वरिष्ठताका आधरमा अर्का न्ययाधीश चोलेन्द्रशमशेर जबराको व्यक्तिगत विवरण पनि संवैधानिक परिषद्मा पठाएको छ । संविधान अनुसार सर्वोच्चको न्यायधीशमा तीन वर्ष काम गरेका न्यायधीशमात्र पदमा नियुक्तिमा योग्य हुन्छन् ।

अहिले सर्वोच्चमा तीन वर्ष काम गरिसकेका न्यायधीश जोशी र राण मात्र हुन् । गत चैत्र १३ मा न्याय परिषद् सचिवालयले प्रधानन्यायधीशका लागि योग्य रहेको भन्दै तीन वरिष्ठतम् न्यायधीशका नाम सहितको अभिलेख संवैधानीक परिषद्मा पठाएको थियो । आजको नागरिक दैनिकमा समाचार  छ ।