हामी सबैकाे संसारन्यूज

१३ मंसिर काठमाडौ । भ्रष्टचार र अवैध बाटोमा कमाएको सम्पत्ति न्युनीकरणका लागि सवैधानीक निकाय अख्तियार दुरुपयोग अनुसन्धान आयोग र प्रधानमन्त्री कार्यालय मातहतको सम्पत्ति शुद्धिकरण अनुसन्धान विभाग एकै ठाउँ उभिएका छन् ।

भ्रष्टचार निवारणका लागि अधिकार पाएको अख्तियार र सम्पत्ति शुद्धिकरणको क्षेत्रमा अधिकार प्राप्त सम्पत्ति शुद्धिकरण विभागले एक समझदारीपत्रमा हस्ताक्षर गर्दै मिलेर अघि बढ्ने सहमती गरेका हुन् ।

सहमतिसँगै सम्पत्ति शुद्धिकरण अनुसन्धानको सिलसिलामा विभागमा प्राप्त आयोगको कार्यक्षेत्रभित्र पर्ने सुचना तथा उजुरीको जानकारी आयोगमा पठाइने भएको छ भने आयोगले आफ्नो काम कारबाहीका क्रममा सम्पत्ति शुद्धिकरण तथा आतंकवादी क्रियाकलापमा वित्तीय लगानीसम्बन्धी सुचना जानकरीमा आएमा त्यस्ता सुचना विभागलाई उपलब्ध गराउने भएको छ । आजको राजधानी दैनिक समाचारमा छ ।