हामी सबैकाे संसारन्यूज

१४ मंसिर, काठमाडौं । अफ्रिकी मुलुक मालीका एक नागरिक स्थलमार्ग हुँदै भारतबाट प्रवेशाज्ञा (भिसा) बिना नेपाल छिरे । उनी कहिले र कुन उद्देश्यले नेपाल आए भन्ने कुनै निकायलाई थाहा छैन । नक्कली भिषा प्रयोग गरेको अभियोगमा पक्राउ परेका ती अफ्रिकी नागरिक अध्यागमन विभागको हिरासतमा पुगेका छन् ।
अनुसन्धानमा उनको राहदानीमा भएको नेपालको भिषा स्टिकर र डिपार्चर छाप नक्कली ठहरिएको छ । उनी कति समय नेपाल बसे त्यसको समेत रेर्कड छैन । उनको राहदानीमा भारतको पनि भिसा पनि छ । नेपालबाट स्थलमार्ग हुँदै भारत छिर्ने क्रममा मंसिर ४ गते उनी पक्राउ परेका हुन् । बेलहिया नाकाबाट बिनारोकतोक छिरेका मालीका नागरिक मामाडोउ कोन्टेलाई भारतीय अध्यागमनले पक्राउ गरेको हो ।
भारतीय अध्यागमनका अधिकारीले सीमा सुरक्षा बल एसएसबीको सहयोगमा बेलहियाले थप अनुसन्धानका लागि अध्यागमन विभाग पठाएको छ । अध्यागमन विभगका निर्देशक विष्णुहरि उपाध्यायले कोन्टेमाथि थप अनुसन्धान भइरहेको बताएको पनि आजको अन्नपूर्णपोस्ट दैनिकमा समाचार छ ।