हामी सबैकाे संसारन्यूज

१९ मंसिर, काठमाडौं । उद्योग क्षेत्रमा हुने बैदेशिक लानी खस्किँदै गएको छ । सरकारले विदेशी लगानीकर्तालाई नेपालका उद्योगमा लगानी बढाउन आग्रह गरिरहँदा विदेशी लगानी भने निराशाजनक छ ।
उद्योग विभागको तथ्यांक अनुसार गत वर्षको तुलनामा यसवर्ष उद्योग क्षेत्रमा विदेशी लगानी झण्डै १६ प्रतिशतले घटेको छ । विभागको तथ्यांक अनुसार गत आर्थिक वर्ष २०७४÷७५ को १३ महिनासम्म उद्योग क्षेत्रमा विदेशी लगानी १५ अर्ब १९ करोड ७२ लाख ३० हजार रुपैयाँ थियो । चालू आर्थिक वर्षमा घटेर १३ अर्ब १० करोड ८८ हजार रुपैयाँमा झरेको आजको राजधानी दैनिकमा समाचार छ । विभागको तथ्यांक अनुसार आर्थिक वर्ष २०७५÷७६ को १३ मंसिर र गत आर्थिक वर्षको सोहि अवधिको तुलना गर्दा विदेशी लगानी १५ दशमलब ९३ प्रतिशतले घटेको छ । उद्योग क्षेत्रमा विदेशी लगानी घट्दै गएपनि उद्योग दर्ता संख्या भने बढ्दै गएको छ ।