हामी सबैकाे संसारन्यूज

१९ मंसिर काठमाडौ । सरकारले प्रदेश र स्थानिय तहमा समायोजन भएर जाने कर्मचारीलाई एक तह बढुवा दूई ग्रेड वृद्धि सुविधासहितका प्रावधान समेटेर बहुप्रतिक्षित कर्मचारी समायोजन अध्यादेश २०७५ स्वीकृत गरेको छ । मन्त्रिपरिषद्को सोमबार रातिको बैठकले केन्द्रीकृत शासन व्यवस्थाअनुसार निजामती सेवामा काम गरिरहेका कर्मचारीलाई संघ,प्रदेश र स्थानीय तहमा समायोजन गर्न कर्मचारी समायोजन अध्यादेश स्वीकृती गरी जारी गर्न राष्ट्रपतिकहाँ सिफारिस गर्ने निर्णय गरेको हो ।

अध्यादेश राष्ट्रपतिले प्रमाणीकरण गरेर राजपत्रमा प्रकाशित भएसँगै औपचारीक रुपमा कर्मचारी समायोजन प्रक्रिया सुरु हुनेछ । पोल्यान्ड भ्रमणमा रहेकी राष्ट्रपति विद्यादेवि भन्डारी स्वदेश फर्किएर अध्यादेश प्रमाण्ीकरण गरेपछि यसअघिको कर्मचारी समायोजन गर्न भन्दै कर्मचारीले विरोध गरी समायोजन हुन नचाहेपछि सरकारले अध्यादेश जारी गरेको हो । आजको नागरिक दैनिक समाचारमा लेखिएको छ ।