हामी सबैकाे संसारन्यूज

२१ मंसिर, काठमाडौं । सबैभन्दा माथिल्लो न्यायिक निकाय सर्वोच्च अदालतमा लामो समयदेखि  न्यायाधीश अभाव हुँदा न्याय सम्पादनमा असर परेको छ ।  न्यायाधीशका दुई दरबन्दी रिक्त भएको डेढ वर्ष बित्दा पनि  न्याय परिषद्ले  नियुक्तिको निर्णय लिन सकेको छैन ।  तत्काल परिषद् बैठक बस्ने  पनि तय भएको छैन् ।

न्यायाधीशको अभावमा विहिबार  मात्र पेसी  तय भएर  पनि ८१  थान मुद्दा ‘हेर्न नभ्याइने’ सूचीमा परे ।  ती मध्ये प्रधानन्याधीश ओम प्रकाश मिश्र न्यायाधिश केदारप्रसाद चालिसे र बम कुमार श्रेष्ठको पूर्ण इजलासमा २, न्यायाधीश दीप कुमार कार्की र टेक बहादुर  मोक्तानको संयुक्त इजलासमा ८,  शारदाप्रसाद  घिमीरे र पुरुषोत्तम भण्डारी संलग्न  इजलासमा २६,  मीरा खड्का र तेजबहादुर केसीको इजलासमा ८,  हरिकृष्ण  कार्की, विश्वम्भर प्रसाद श्रेष्ठ र डम्बरहादुर शाहीको पूर्ण इजलासमा  १५, अनिल कुमार सिन्हा र सपना प्रधानमल्लको इजलासमा २२ गरी  ८९  थान ‘मुद्दा हेर्न’ नभ्याइने  सूचीमा परे ।  आजको अन्नपूर्णपोष्ट दैनिकबाट