हामी सबैकाे संसारन्यूज

२१ मंसिर काठमाडौ । पछिल्लो समय बैंकहरुले व्यक्तिगत निक्षेपको ब्याजदर बढाउन प्रतिस्पर्धा गरेपछि यसको प्रत्यक्ष मार औद्योगिक क्षेत्रमा पर्ने देखिएको छ ।
निक्षेपको ब्याजमा विगतमा भद्र सहमति गर्दै ११ प्रतिशतभन्दा धेरै नदिने नीति अख्तियार गरेका बैंकहरुले दुई दिनयता तोडेर १३ प्रतिशतसम्म पुर्याएका छन् । निक्षेपमा उच्च दरले ब्याज दिएपछि अगामी दिनमा कर्जाको ब्याजदर १८ प्रतिशतभन्दा माथि जाने उद्योगी व्यवासायीको अनुमान छ ।

उच्च व्याजमा लिएको ऋणले उद्योगको उत्पादन लागत बढ्ने र आन्तरिक एवं विश्व बजारमा प्रतिस्पर्धा गर्न नसक्दा औद्योगीक क्षेत्र प्रत्यक्ष मारमा पर्ने देखिएको छ । नेपाल उद्योग वाणिज्य महासंघका पुर्वअध्यक्ष पशुपति मुरारकाले उच्च दरमा व्याज दिने बैंकहरुको प्रतिस्पर्धाले औद्योगिक क्षेत्रमा नकारात्मक असर गर्ने बताए ।

कर्जाको व्याजदर बढाउँदा औद्योगीक क्षेत्रको लागत बढ्छ ,मुरारकाले बिहीबार नागरिकसँग भने,स्थानीय लगानी र कच्चा पदार्थको लागत बढ्न गई उद्योगले प्रतिस्पर्धात्मक क्षमता गुमाउँछ । ब्याजदर उच्च हँुदा सबैभन्दा ठुलो समस्या हाइड्रोपावर जस्ता परियोजनामा पर्ने भनाइ छ । आजको नागरिक दैनिक समाचारमा लेखिएको छ ।