हामी सबैकाे संसारन्यूज

२३ मंसिर काठमाडौ । चालु आर्थिक वर्षको पाँच महिनामा सेयरधनीको सम्पत्ति करिब १ खर्ब रुपैयाँले घटेको छ । गत साउनदेखि मंसिर २० सम्म सेयर मुल्यमा आएको गिरावटका आधारमा यस्तो विश्लेषण गरिएको हो ।

उक्त अवधिमा सेयर बजारको आकार कुल बजार पुँजीकरण करिब १ खर्ब रुपैयाँले घटेको छ । यसको अर्थ लगानीकर्ताको सम्पत्ति घटेको भन्ने हो । गत असारमा १४ खर्ब ३५ अर्ब रुपैयाँ कायम रहेको कुल बजार पुँजीकरण स्टक एक्सचेन्जमा सुचीकृत सबै सेयरको बजार मुल्य बिहीबार मंसिर २० मा सम्म आइपुग्दा १३ खर्ब ३७ अर्ब रुपैयाँमा झरेको छ ।

गत असारको तुलनामा हालको पुँजीकरण ९८ अर्ब रुपैयाँले कम हो । नेप्से परिसुचक हालसम्मकै उच्च विन्दु १ हजार ८ सय ८१ विन्दु र त्यतिबेलाको बजार पुँजीबरणसँग तुलनामा अहिले सेयर बजारको आकार करिब ७ खर्ब ३४ अर्ब रुपैयाँले खुम्चिएको छ । ०७२ साउन १२ गते नेप्से परिसुचक १ हजार ८ सय ८१ विन्दुमा पुग्दा कुल बजार पुँजीकरण २० खर्ब ७० अर्ब ९९ करोड रुपैयाँ पुगेको थियो । आजको कान्तिपुर दैनिक समाचारमा लेखिएको छ ।