२५ मङ्सिर, आरुशा । तान्जानियाको नगोरोङगोरो जिल्लामा अज्ञात रोगको कारण आठ हात्ती मरेका छन् ।
स्थानीय अधिकारीहरूले अज्ञात रोगका कारण हात्तीहरू मरेको घटनाले आफूहरूलाई चिन्तित बनाएको आइतबार बताएका छन् ।
वन्य जीवजन्तु उप प्रमुख जोसेफ मेङ ओरोले यस घटनाको विषयमा थप विवरण आउन बाँकी नै रहेको जानकारी दिए । साथै यस अज्ञात रोगबाट थप हात्तीको हताहतको आशङ्का समेत उनले व्यक्त गरेका छन् ।
तान्जानिया वन्यजन्तु अनुसन्धान निकायले यस अज्ञात रोगबाट स्तनधारी हात्तीको मृत्यु भएको पुष्टि गरेको छ ।
उनले घटनाका बारेमा प्रमाणहरू सङ्कलन गर्ने र कारण पत्ता लगाउने तथा थप फैलिन नदिनका लागि नियन्त्रण गर्ने प्रयास भइरहेको पनि जानकारी दिए ।
नाकबाट रक्तश्राव हुने, चक्कर आएजस्तो गर्ने, छटपटीनेलगायतका अस्वभाविक र अप्ठ्यारो भएजस्ता गतिविधि देखाउने गरेको समाचारमा जनाइएको छ ।
वि.सं.२०७५ मंसिर २५ मंगलवार ०९:०९ मा प्रकाशित