हामी सबैकाे संसारन्यूज

२७ मंसिर, काठमाडौं । दातृ निकायको आर्थिक सहयोगमा कृषि तथा पशुपंछी क्षेत्रमा कार्यरत १३ आयोजनाहरुले लक्ष्यको तुलनामा खर्च कम गरेका छन् । चालु आर्थिक वर्षको पहिलो चौमासिकमा आधारीत रहेर कृषि विकास मन्त्रालयले तयार पारेको प्रतिवेदन अनुसार वैदेशिक लगानीका १३ वटा आयोजनामध्ये दुई वटाले एक पैसा पनि खर्च नगरेको आजको अन्नपूर्ण दैनिकमा समाचार छ ।
मन्त्रालयका प्रवक्ता तेजप्रसाद सुवेदीले आयोजनाको सम्झौतामा भएको ढिलाइ र संघीय संरचनाका कारण कर्मचारी व्यवस्थापन हुन नसकेका कारण लक्ष्य अनुसारको बजेट खर्च हुन नसकेको जानकारी दिए ।
सरकारी प्रतिवेदन अनुसार १३ वटा आयोजनामा चालूआवको कूल बजेट तीन अर्ब ४३ करोड ३४ लाख रुपैयाँ छ । त्यसमध्ये पहिलो चार महिनामा ८९ करोड ७० लाख रुपैयाँ खर्च गरिसक्नु पर्ने थियो । तर, ३० करोड ५९ रुपैयाँमात्र खर्च भएको छ ।