हामी सबैकाे संसारन्यूज

२७ मंसिर, काठमाडौं । कुनै दिन थियो एउटा सिमकार्ड लिन दूरसञ्चार कम्पनीको कार्यालय अगाडि मान्छेको लाम हुन्थ्यो । घन्टौ लाइन बस्दा पनि सिमकार्ड पाउने नपाउने टुंगो हुन्थेन । तर।, १२ ÷१४ वर्षअघिको त्यो समय र सन्दर्भ अहिलेको परिस्थितिमा बिल्कुलै फरक छ । सिमकार्ड खुद्रा समानजस्तै सहज बनेको छ । दूरसञ्चार कम्पनीहरुको पनि सिमकार्ड बिक्रिलाई प्रतिश्पर्धाको आधार बनाइरहेका छन् ।
नेपाल दूरसञ्चार प्राधिकरणको असोजसम्मको तथ्यांक अनुसार नेपालको जनसंख्या भन्दा करिब एक करोड सिमकार्ड बढी बिक्रि भइसकेको छ । अर्थात् दुुई करोड ९२ लाख ९२ हजार जनसंख्या भएको देशमा तीन करोड ९० लाख सिमकार्ड विक्रि भएको छ ।
यस हिसावले मोबाइलको पहुँच जनसंख्या भन्दा ३३ प्रतिशत भन्दा बढी भइसकेको छ । प्राधिकरण विक्रि भएको सिमकार्डको संख्यालाई नै मोबाइलको ग्राहकका रुपमा तथ्यांक तयार गर्दै आएको आजको गोरखापत्र दैनिकमा समाचार छ ।
गत वर्षको असोज देखि यसवर्षको सोहि महिनासम्म ३७ लाख ५८ हजार सिमकार्ड थपिएका छन् ।