Sansar News
२६ मङ्सिर, जुबा । सुडानमा द्वन्द्वका कारण अविभावक विहिन भएका र बेपत्ता भएका बालबालिकाहरूको सङ्ख्या १५ हजार रहेको तथ्याङ्क सार्वजनिक भएको छ ।
संयुक्त राष्ट्रसंघीय बालकोष (युनिसेफ) ले बिहीबार सार्वजनिक गरेको विवरण अनुसार गत पाँच बर्षको अवधिमा ती बालबालिकाहरू आफ्ना आमाबुवा तथा पारिवारिक सदस्यहरूबाट छुटेको तथा वेपत्ता भएको पाइएको छ ।
द्वन्द्वका कारण अरु चालिस लाख मानिस विस्थापित भएका छन्, जसमध्ये अधिकांश बालबालिका रहेको जनाइएको छ ।
विस्थापित भएका, बाबु आमाबाट छुट्टिएका र बेपत्ता भएका बालबालिकाहरू बलात्कार र अन्य विभिन्न हिंसाबाट पिडित हुने गरेको पनि युनिसेफले जनाएको छ ।
वि.सं.२०७५ मंसिर २८ शुक्रवार ०९:५२ मा प्रकाशित
