हामी सबैकाे संसारन्यूज

२८ मंसिर, काठमाडौं । कुखुराको दाना र चल्लाको मूल्य बढेको तथा पालन लागतको तुलनामा बजार मूल्य निकै न्यून बनाएको भन्दै कुखुरापालक कृषकले चलाएको आन्दोलन र त्यसप्रतिको सरकारी रवैयाका बिषयमा अष्ट ज अभियान नेपालको गंभिर ध्यानाकर्षण जनाएको छ ।
‘लागत मूल्यभन्दा निकै कममा जिउँदो कुखुरा बेच्न बाध्य किसानहरुको आन्दोलनप्रति अष्ट ज अभियान नेपाल हार्र्दिक ऐक्यबद्धता प्रकट गर्दछ ।’ अभियानले शुक्रबार एक विज्ञप्ति जारी गर्दै भनेको छ, ‘किसान र उत्पादनलाई संरक्षण गर्ने नीतिको अभावमा विचौलियाहरुको एकछत्र रजाइ बढेर किसान मारमा पर्ने स्थिति तर्फ सरकार र सम्बन्धित निकायको तत्काल ध्यान पुगोस् भन्ने आग्रह पनि यसै बिज्ञप्ति मार्फत गर्न चाहान्छौ ।’

चितवन, कास्कि लगायतका जिल्लामा कुखुरापालक किसानले गरेका चरणबद्ध कार्यक्रमप्रति खासै सुनुवाइ नहुनुले आफूहरुलाई स्तब्ध बनाएको बताउदैं यस अबस्थामा थप आन्दोलनको वातावरण तयार गर्ने कुरामा सरकार सजग रहनुपर्ने बताउँदै किसानका माग अबिलम्ब पूरा गर्न पनि अनुरोध गरेको अभियानका सचिव कृष्णराम मगरातीले जनाएका छन् ।