हामी सबैकाे संसारन्यूज

२ पुस, काठमाडौं । कांग्रेस महासमितिको जारी बैठकमा धर्मको मुद्दाले प्रवेश पाएको छ । आइतबारको बन्द सत्रमा बोल्ने धेरै सदस्यले संविधानमा रहेको ‘धर्म निरपेक्षता’ को विरोध गरेका थिए ।
धर्मनिरपेक्षताप्रति महामन्त्री शशांक कोइरालासहितको एउटा समूहले सार्वजनिक रुपमै विरोध जनाउँदै आएको थियो । महामन्त्री कोइरालाले पनि महासमितिको बैठकमा पनि आफूले यसबारे बोल्ने बताएका छन् ।
बैठक स्थलबाहिर हिन्दु राष्ट्रका पक्षमा कांग्रेस उभिनुपर्ने भन्दै महासमिति सदस्यकै हस्ताक्षर संकलन थालिएको छ । हस्ताक्षर संकलनको नेतृत्व काठमाडौं महानगरका मेयर उम्मेदवार रहेका नेता राजुराज जोशीले गरिरहेका छन् । उनले सोमबारको बैठकमा लिखित रुपले हस्ताक्षर पेश गर्ने तयारी रहेको बताए । आजको अन्नपूर्णपोस्ट दैनिकबाट ।