हामी सबैकाे संसारन्यूज

३ पुस काठमाडौ । १ करोड ५८ लाख ६० हजार रुपैयाँ यो कुनै विकास योजनाको बजेट होइन । काठमाडौ महानगरपालीका कार्यालयको वार्षिक बैठक भत्ता हो ।
महानगरले निर्धारितभन्दा निकै बढी भत्ता बाँड्ने गरेको छ । वर्षभरी कार्यालय खुलेको दिन हिसाब गर्दा बैठक भत्ता दैनिक ५५ हजार ८ रुपैयाँ हुन आउँछ । ३२ वडाका १ सय ५६ जनप्रतिनिधिले प्रतिवैठक १ हजार २ सय ३० रुपैयाँ लिएका छन् । जबकी महानगरको वार्षिक प्रशासनिक बजेट व्यवस्थामा प्रतिबैठक एक हजार रुपैयाँ मात्र लिन पाइन्छ ।

महानगरका सुचना अधिकारी वसन्त आचार्याले मेयरको अध्यक्षतामा बसे प्रतिबैठक २ हजार ५ सय तथा उपमेयर र कार्यकारी अधिकृतको अध्यक्षतामा २ हजार रुपैयाँ लिन पाइने दाबी गरे ।

वडा तहमा मासिक तीनवटासम्म बैठकको भत्ता दिन पाईन्छ । तर उनीहरुले कतिवटा बैठक बसे र कति कति भत्ता बुझे, महानगरसँग कुनै अभिलेख छैन । भत्ता मात्र होइन, खाजा र यातायात पनि महानगरको खर्च अचाक्ली छ । आजको कान्तिपुर दैनिक समाचारमा छ ।