हामी सबैकाे संसारन्यूज

४ पुस, सल्लेरी । सगरमाथा क्षेत्रमा भ्रमण गर्ने पर्यटकले प्रयोग गरी फालेको धातुको पुन : प्रयोग गरी पर्यटकलाई नै चिनो खरिद गराउन थालिएको छ । सगरमाथा प्रदूषण नियन्त्रण समिति (एसपीसीसी) नाम्चेले धातुजन्य फोहोर पगालेर विभिन्न आकृति बनाई पर्यटकलाई नै खरिद गराउँदा सरसफाइमा टेवा पुगेको छ ।
एसपीसीसीले व्यापारिक प्रायोजनले नभई सगरमाथा क्षेत्रको पाहोर संकलन गरी वातावरणीय सरसफाइ गर्ने उद्देश्यका साथ धातुको पुन ः प्रयोग गरी चिनो बनाउने काम गरिरहेको एसपीसीसीका उपाध्यक्ष लामाकाजी शेर्पाले बताए । उनले वियरको बोतल, ग्यासको बोतल, जुस आदि टिन र फलामजन्य वस्तु पगालेर सोलुखुम्बुको चिनो बनाउने गरेको उल्लेख गरेको आजको गोरखापत्र दैनिकमा समाचार छ ।
चिनो बानाउँदाको लागत अनुसार रकममा विभिन्न चिनो बनाई पर्यटकलाई नै बेच्ने गरेको उनले बताए । व्यापारीक प्रयोजन नभएको हुँदा विनानाफा बिक्रि गरेका पनि उपाध्यक्ष शेर्पाले बताए ।