हामी सबैकाे संसारन्यूज

६ पुस, काठमाडौं । प्रहरीले निर्मला पन्त बलात्कार र हत्या प्रकरणको अनुसन्धानमा त्रुटि गरेको आरोपमा तत्कालिन कन्चनपुर प्रहरी प्रमुख एसपी डिल्लीराज विष्टसहित अनुसन्धानमा खटिएका १८ प्रहरीलाई विभागीय कारबाही गर्ने तयारी गरेको छ । एआइजी धिरु बस्न्यात नेतृत्वको अनुसन्धान समितिले बुझाएको प्रतिबेदनको सिफारीस अनुसार प्रहरी कार्यालय मातहतको कानुन विभाले उनीहरुमाथि कारबाही चलाउन लागेको आजको कान्तिपुर दैनिकमा समाचार छ ।
समितिले एसपी विष्ट, डीएसपी अंगुर जीसी र ज्ञान बहादुर सेट्ठी इन्सपेक्टरहरु एकेन्द्र खड्का, जगदिश भट्ट र गणेश सापकोटा, ४ सइ, ३ हवल्दार, ५ कन्सटेबलमाथि विभागीय कारबाही सिफारीस गरेको छ । प्रहरी प्रधान कार्यालयका अनुसार प्रहरी महानिरीक्षक सवेन्द्र खनाललाई बुझाइएको प्रतिवेदन कानुन शाखामा पठाइएको छ । प्रतिवेदनले दोषी ठहराइएकालाई अब कानुन शाखाले विभागीय कारबाही गर्नेछ ।