हामी सबैकाे संसारन्यूज

६ पुस काठमाडौ । पासपोर्ट बनाउन जाँदै हुनुहुन्छ ? कपाल रंगीन नबनाउनुहोला । नत्र जुत्ताको पालिस टाउकामा दल्नुपर्ला । मेहन्दी लगाएर पासपोर्ट जानेले हरेक दिन दुःख पाइरहेका छन् । एक सय रुपैयाँ तिर्दै, कपालमा जुत्ताको पालिस दल्दै । बलाजुकी पुजा पाठकसँग हस्तलिखित राहदानी थियो । मेसीन रिडेबल पाठकसँग हस्तलिखित राहदानी थियो ।

मेसीन रिडेबल पासपोर्ट एमआरपी बनाउन बिहीबार केशरमहलस्थित राहदानी विभाग पुगिन् । फोटो खिच्ने लाइनमा बस्दा एक कर्मचारीले उनको खैरो कपाल हेर्दै भने । कपालमा कालो लगाएर आउनुस् है , यस्तो कपालमा हुँदैन ।

अमेरिकाबाट फर्केकी पाठकलाई त्यहीको कर्मचारीले प्रहरीको क्यान्टिनमा गएर जुत्तामा लगाउने पालिसले कपाल कालो बनाउन सुझाए । आक्रोश भावमा उनले भनिन्, यस्तो नियम कतै छैन, कति तनाव दिएका ?रामेछापकी सुनीता लामाले पनि त्यस्तै समस्या झेलिन् । उनको कपाल खैरो थियो । निधारमुनीसम्म काटेको खैरो कपालमा पुगेकी लामा उसरी नै प्रहरी क्यान्टिन पुगिन् । भन्दै थिइन्,कस्तो दिक्क लाग्यो,यो नियम । थाहा पाएको भए पहिले नै कालो बनाउने थिँए । आजको अन्नपुर्ण पोष्ट दैनिक समाचारमा छ ।