हामी सबैकाे संसारन्यूज

७ पुस, बुटवल । पाँच नम्बर प्रदेश सभाको उद्योग, पर्यटन, वन तथा वातावरण समितिको शुक्रबार बसेको बैठकमा नदीजन्य पदार्थ व्यवस्थापन कार्यविधि विषयको छलफल गर्ने कार्यसूची थियो । समितिमा १३ जना सदस्यलाई बैठकको विषयबारे तीनदिन अगावै जानकारी दिइएको थियो । उद्योग, पर्यटन, वन तथा वातावरणमन्त्री लिला गिरी सहभागी बैठकमा समितिका सभापति दधीराम न्ययौपानेले बैठक सुरु गर्दै सदस्यलाई धारणा राख्न आग्रह गरे । तर, बैठकमा सहभागी अधिकांश सदस्यले न त कार्यविधि पढेका थिए न त बैठकको एजेण्डानै बुझेका थिए ।
समितिका सांसद रामजी प्रसाद घिमीरेले कार्यविधि हेर्न नभ्याएको भन्दै सुनेका कुरा भन्दै धारणा राखे । ‘कार्यविधि हेर्न भ्याएको छैन, तैपनि यो घाटगद्धी गरेर विक्रि गर्दा लागत बढ्छ भन्ने कुरा सुनिएको छ , यसलाई सच्याउनु पर्छ,’ उनले भने ।
संसदीय समिति मिनि संसद् हो । समितिको बैठकमा मात्रै होइन, प्रदेश सभा बैठकमा समेत सांसदहरु हचुवाको भरमा भाषण गर्छन् । संसद्को कार्यविधि तथा संसद्बाटै पारित भएका नीति नियमको बारेमा समेत उनीहरु बेखबर छन् ।
आजको अन्नपूर्णपोस्ट दैनिकबाट