हामी सबैकाे संसारन्यूज

८ पुस, काठमाडौ । परराष्ट्रमन्त्री प्रदीप ज्ञवालीले अमेरिकासँग १७ वर्षपछि उच्चस्तरीय औपचारिक संवाद स्थापित मात्र गरेका छैनन्, नेपालको कुटनीतिक र सामरिक पहिचानमा नयाँ तरंग ल्याएका छन् । अमेरिका र उसका सहयोगी देशहरुसँग हतियार खरिद गर्ने मात्र होइन, उत्तर कोरियाका विषयमा साझा धारणा बनाउने र इण्डोप्यासिफिक सुरक्षा रणनीतिमा नेपाल सहभागी हुने विषयले चीन सशंकित भएको छ । भारत भने तटस्थ रहेको आजको नयाँपत्रिका दैनिकमा समाचार छ ।
५ माघ ०५८ मा अमेरिकाको तत्कालिन विदेशमन्त्री कोलिन पावेलले नेपालको औपचापरिक भ्रमण गरेका थिए । पेन्टागन र ट्विनटावरमा अलकायदाले गरेको आक्रमणपछि अफगानिस्तानमा हमला गर्न तयार भएको अमेरिकाले विश्वमत जुटाउन पावेललाई नेपाल पठाएको थियो । पावेलको नेपाल भ्रमणपछिको तीन महिनापछि प्रधानमन्त्री शेरबहादुर देउवा २३–२५ बैशाख ०५९ मा वासिङटन डिसी पुगेका थिए ।