हामी सबैकाे संसारन्यूज

८ पुस, सुर्खेत । चुलो छोएको निहुँमा कालिकोटमा मनवीर सुनारको हत्या भयो । उनले होटलमा चुरोट सल्काउन मात्र खोजेका थिए । अरु जातिकाले उनीमाथि सामुहिक आक्रमण गरे । उनको ज्यान गयो । यो २०६८ सालको घटना हो ।
गत जेठमा नरहरिनाथ गाउँपालिकामा मना सार्कीको हत्या भयो । सार्वजनिक धाराको पानी छोएको कारण उनी मारिइन् । उनी वडा नम्बर ९ की सदस्य समेत थिइन् । धारा छोएको आरोप लगाएपछि विवाद बढ्यो । मध्यरातमा ४५ वर्षीया मनालाई कथित उपल्ला जातिका मान्छेले कुटेर हत्या गरे ।
कर्णालीमा छुवाछुतकै कारण हत्या भएका यी प्रतिनिधि घटना मात्र हुन् । यहाँ दलितमाथि हिंसाका घटना बढिरहेका छन् । जसका कारण मान्छे मारिएका छन् । जिउँदाको जीवन पनि कठिन बनेको छ । दलितले जन्ती र मलामी पाउन समेत नसकेको अवस्था छ ।
सरकारी तबरबाट छुवाछुत मुक्त अभियानमा लाखौं बजेट खर्च भइरहेको छ । छुवाछुतविरुद्ध दर्जनौ गैरसरकारी संस्था सक्रिय छन् । तर, कर्णालीका अधिकांश स्थानमा दतिलमाथि भान्सामा पसेको, चुलो र धारा छोएको निहुनमा आक्रमण रोकिएको छैन् । आजको अन्नपूर्णपोस्ट दैनिकबाट