हामी सबैकाे संसारन्यूज

८ पुस बुधबारे । शव वहान खरिदका लागि जोइन्ट हेन्ड युथ सोसाइटी बुद्धशान्तिलाई २५ हजार आर्थिक सहयोग गरेको छ ।
जोइन्ट हेन्ड युथ सोसाइटीले विपन्न, अशक्त,असाहय वर्गका लागि विभिन्न सहयोगका कार्यहरु गरेको भन्दै सोसाइटीका उपाध्यक्ष अनिल वाग्ले, मुक्त कण्ठले प्रशंसा गरेका थिए ।

खिष्टमसको शुभकामना आदानप्रदान कार्यक्रमको आयोजना गरी समाजले शनिबार सहयोग रकम सोसाइटीका अध्यक्ष संञ्जील प्रसाईं, उपाध्यक्ष अनिल वाग्ले र सदस्य केशव तिम्सिनालाई संयुक्त रुपमा हस्तान्तरण गरेका हुन् । बुद्धशान्ति ३ मा भएको सो कार्यक्रममा इसाइ समाज बुधबारेका अध्यक्ष पाष्टर आमोस कटवालले २५ हजार बरावरको चेक हस्तान्तरण गरेका थिए ।
कटवालकै अध्यक्षतामा भएको कार्यक्रममा राजु चाम्लिङ, राजन वस्नेत, निमा तामाङ लगायतले जोइन्ट हेन्डले सामाजिक उत्तरदायित्वका लागि सो क्षेत्रमा शव वहान खरिद गर्नका लागि थालेको अभियानको पूर्ण सफलताको शुभकामना दिएका थिए ।
उनले जोइन्ट हेन्ड युथसोसाइटी विशुद्ध सामाजिक कार्यका लागि स्थापित भएको र विगतका दिनमा विपन्न असाहय वर्गका लागि सेवामुलक कार्यहरु गरेको स्मरण गराएका छन् । उनले बुद्धशान्ति क्षेत्रमा शव वहान खरिदको लक्ष्य लिएर सोसाइटी अघि बढिरहेको बताउँदै सवैलाई सो अभियान सफल बनाउन अनुरोध गरेका छन् ।