हामी सबैकाे संसारन्यूज

९ पुस, ललितपुर । गैरसरकारी संस्था ‘टिच नेपाल’ ले गरेको शिक्षकको आवश्यकता सम्बन्धी विज्ञापन विवादमा परेपछि छानविन सुरु भएको छ ।
संस्थाले विज्ञापनमा एक प्रशिक्षार्थी शिक्षकको आवस्यकता भएको भन्दै आवेदक इशाई हुनुपर्ने, इसाई कलेजमा पढेको र चर्चको सिफारीस चाहिने लगायत सर्त राखेको उजुरी जिल्ला प्रशासन कार्यालय ललितपुरमा परेको छ । उजुरीपछि संस्थाको छानविन गरिरहेको ललितपुरका प्रमुख जिल्ला अधिकारी प्रेमराज जोशीले बताए । ‘यस संस्थाका बारेमा केहीले गुनासो गरेपछि छानविन सुरु भएको हो,’ उनले भने ।
ललितपुरका सहायक सीडीओ डमरु निरौलाले संस्थासँग सम्पूर्ण विवरण मागेको र अनुसन्धान भइरहेको बताए । उनले भने, ‘ संस्थाले हालसम्म के कस्ता काम गर्यो कसरी गर्यो, कसरी सञ्चालित भइरहेको छ, आम्दानीको स्रोत के होलगायत अनुसन्धान भइरहेको छ । आजको अन्नपूर्णपोस्ट दैनिकबाट