हामी सबैकाे संसारन्यूज

११ पुस, काठमाडौं । प्रधानमन्त्री केपी ओलीले मन्त्रालयको चौमासिक रिर्पोट कार्ड अनुगमन गरिरहेका छन् । निर्धारित समयमा कति काम हुन सक्छ भनेर उनले मन्त्रालयहरुबाट प्रतिवद्धता मागेका थिए । आफैले प्रस्तुत गरेको लक्ष्य मन्त्रालयले कति पूरा गरे भन्ने मूल्यांकन प्रधानमन्त्री कार्यालयको सफ्टवेयरले अद्यावधिक गरिरहेको पाइचार्ट प्रधानमन्त्रीले आफ्नो ट्याबेलटमा हेरिरहेका छन् । तर, प्रधानमन्त्रीलाई दिएको लक्ष्य कुनै पनि मन्त्रालयले पूरा गर्न सकेका छैनन् ।
प्रधानमन्त्रीको अनुगमनले मन्त्रीमाथि नैतिक दवाव सिर्जना गरिरहेको छ । किन कि, आफैले तोकेको लक्ष्य अनुसार कति काम गर्न सकियो भन्ने मन्त्रालयले नै सफ्टवेयरमा भर्नुपर्छ । ‘यो पाइचार्ट हामीले बनाएको होइन । सम्बन्धित मन्त्रालयका सचिवले स्वयं मूल्यांकन गरेबापत सफ्टवेयरबाट पाइचार्ट बन्छ’ महाशाखाका सचिव यमलाल भुसालले भने, प्रधानमन्त्रीज्यू आफ्नो ट्यावलेटबाट मन्त्रालयको पर्फमन्स हेरिरहनु भएको छ । त्यसो हुँदा आफैँले गर्छु भनेको काम पनि नगर्दा मन्त्रीज्यूहरु नैतिक दवावमा पर्नुहुन्छ ।’ आजको नयाँपत्रिका दैनिकबाट