हामी सबैकाे संसारन्यूज

१२ पुस ककाठमाडौ । म्यानपावरले चर्को शुल्क असुलेको तथ्य फेला परेपछि टर्कीको एक रोजगारदाताले तीन सय भन्दा बढी नेपाली कामदारलाई स्वदेश फर्काइदिएको छ । म्यानपावरले कामदारसँग चर्को शुल्क उठाएको निहँुमा नेपाली कामदारलाई रोजगारदाताले फिर्ता गरेको यो सम्भवतः पहिलो घटना हो ।

कामदार ल्याउदा लाग्ने सबै खर्च बेहोरेको टर्कीको अंकारास्थित आइजिए एअरपोर्ट कम्पनीले म्यानपावर र दलालले ठुलो रकम असुल गरेको तथ्य फेला पारेपछि रकम तिर्ने कामदारलाई नै फिर्ता गरेको पीडितले गुनासो गरेका छन् ।

विभिन्न चरणमा १०–११ महिनाअघि टर्कीको त्यो कम्पनीले युरो नेपाल र एचआर म्यानपावरमार्फत एक हजार तीन सय पचास कामदार लिएको थियो । तीमध्ये तीन सय २० जनालाई फर्कालिएको थियो र अरु फर्कने क्रममा रहेको उदयपुर बेलका नगरपालिका १ का किरण वान्तवाले बताए । आजको नागरिक दैनिक समाचारमा छ ।