हामी सबैकाे संसारन्यूज

१४ पुस काठमाडौ । चिटिक्को भवन नरिपरि भुकम्पलगत्तै बनाइएका अन्य अस्थायी भवन पनि छन् । ती मध्ये एउटा भवनको झ्यालका बीचमा झुन्ड्याइएको छ । हिलेपानी संस्कृत माध्यामिक विद्यालयको साइनवोर्ड । बोर्डको माथिल्लो लहरमा लेखिएको छ । सरस्वती नः सुभगा मयस्करत् अर्थात सरस्वतीले हामीलाई समग्र किसिमको ऐश्वर्यशाली बनाउन् ।

द्योलखा कालिन्चोक गाउँपालिका ४ लामिडाँडास्थित संस्कृत विद्यालयको यही आँगनमा केही वर्षअघिसम्म दैनिक प्रार्थनामा विद्याकी देवि सरस्वतीको उपासना गरिन्थ्यो । कक्षा ६ देखि १० सम्म संस्कृत विषय पढाइ हुन्थ्यो । विद्यार्थीले अनिवार्य संस्कृतसहित ज्योतिष,साहित्य,व्याकरण,आयुर्वेद, नीतिशास्त्र जस्ता ऐच्छिक विषय लिएर पढ्थे । बर्सेनि सातआठ सय हराहारीमा विद्यार्थी हुन्थे ।

जिल्लाकै एकमात्र संस्कृत माविमा यतिखेर न त सरस्वति वन्दना गाइन्छ,न पहिलेजस्तै कक्षकोठामा संस्कृतका पाठ्यपुस्तक पढाई हुन्छ । अहिले विद्यालयमा नेपाली भाषको जननी र पुर्वीय ज्ञानको भण्डार रहेको संस्कृत पठनपाठन बन्द छ । आजको नागरिक दैनिक समाचारमा छ ।