हामी सबैकाे संसारन्यूज

१४ पुस बुटवल । खेती गर्न चाहानुहुन्छ तर जमिन छैन भने चिन्ता नगर्नुस् । माटोबिनै तरकारी खेती गर्न सकिने प्रविधि नेपालमै सुरु भइसकेको छ । बगर होस् या घरको छत । जहाँ पनि यो तरिकाबाट प्रशस्त खेती गर्न सकिन्छ ।

रुपन्देहीका किसान ईश्वर पौडेल यही प्रविधिबाट खेती गरिरहेका छन् । उनले विष्णुपुरामा हाइडेपोनिक नेपाल कृषि फर्म चलाएका छन् । आफुले गरिरहेको कामबारे उनले बुटवल मण्डवमा जारी लुम्बिनी एक्स्पोमा जानकारी दिइरहेका छन् । माटोबिनै तरकारी फलाउने तरिकाबारे जानकारी दिन उनलाई भ्याइनभ्याई छ ।

पौडेल वैदेशिक रोजगारीका लागि ओमन गएका थिए ।त्यहाँ उनले १० वर्ष बिताए । होटल म्यानेजमेन्ट पढेका उनले पाँच तारे होटलमा काम गरेका थिए । त्यहाँ उनले माटोविहीन तरकारी खेती देखे । नेपाल फर्केपछि त्यही निर्णयले खेती गर्ने निर्णय गरे । र, काममा लागे आजको अन्नपुर्ण पोस्ट दैनिक समाचारमा छ ।