हामी सबैकाे संसारन्यूज

१५ पुष, काठमाडौ । रौतहटको कटहरिया नगरपालिकाले लज्जास्पद् निर्णय गरेको छ । नगरपालिकाले सूचना जारी गर्दै हत्या अभियोगमा पक्राउ परेका मेयर शियाराम कुशवाहा जेलबाट छुटेको खुशीयालीमा नगरको सबै वडा कार्यालय र विद्यालयमा विदा सार्वजनिक बिदा घोषणा गरेको हो । निमिक्त प्रमुख प्रशासकीय प्रमुख उदयप्रसाद देवकोटाको हस्ताक्षर रहेको उक्त सूचनामा आज आइतबार सबै वडा कार्यालय र नगरका विद्यालयमा सार्वजनिक विदा दिने निर्णय गरिएको कुरा जानकारी गराइएको छ ।

नगर प्रमुख सियाराम प्रसाद कुशवाहालाई तत्कालीन विश्व हिन्दु महासंघका अध्यक्ष काशीनाथ तिवारीको हत्या अभियोगमा उच्च अदालत जनकपुरको वीरगञ्ज इजलासले फागुन २५, २०७४ मा सर्वस्वसहित जन्मकैदको फैसला सुनाएको थियो । अदालतको आदेश कार्यान्वयन नभइरहेको बेला कुशवाहा कटहरियाको मेयर निर्वाचित भएका थिए।

अदालतनको मिति २०७५ र ०९ र १३ गतको फैसलाबाट सफाई पाई निर्दोष सावित भएका थिए। अदालतले सफाइ दिएपछि कुशवाहा हेलिकोप्टर चढेर रौतहट पुगेका थिए ।
सर्वोच्चले सफाइ दिनु एउटा पाटो हुनसक्छ तर सार्वजनिक सूचना जारी गरी खुशीयालीमा बिदा घोषणा गरिनु स्वच्छचारीता होइन भन्न सकिन्न । स्थानीय निकायलाई जिम्मेवारपूर्ण र शसक्त बनाउने उद्देश्यले गठन भएका स्थानीय निकायहरु कतिसम्म स्वेच्छाचारी हुँदै गएका छन् भन्ने यो एउटै उदाहरण काफी छ ।