Sansar News
१९ पुस काठमाडौ । नेपाल वायुसेवा निगमको दूइवटा वाइडबडी विमान खरिद बारे अध्ययन गर्न गठित संसदीय छानबीन उपसमितिले ४ अर्ब ३५ करोड ५६ लाख रुपैयाँ अनियमितता भएको ठहर गरेको छ ।
सार्वजनिक लेखा समितिद्धारा गठित उपसमितिले संस्कृति तथा नागरिक उड्डयनमन्त्री रवीन्द्र अधिकारी र दुई पूर्वपर्यटनमन्त्रीलाई दोषी ठहर गरी कारबाही सिफारिस गरेको छ । हालसम्म देखिएको कागजातबाट अनियमतताको अंक यकिन गरिएको भन्दै उपसमितिले एयरबस र बिचौलिया कम्पनी हाई फुलाई एक्सबीचको कारेबार रकम खुलेमा अंक बढ्न सक्ने बताएको छ ।
प्रतिवेदन सार्वजनिक गर्दै उपसमिति संयोजक सांसद राजन केसीले संस्कृति, पर्यटन तथा नागरिक उड्डयनमन्त्री रवीन्द्र अधिकारीले वाइढबडी खरिद प्रकरणमा बदनियतपूर्वक मिलेमतो गरेको देखिएको बताए । आजको कान्तिपुर दैनिक समाचारमा छ ।
वि.सं.२०७५ पुस १९ बिहीवार ०८:१८ मा प्रकाशित
