back

नयाँवर्ष २०१९ र राष्ट्रिय मेलमिलाप दिवस मनाउँदै जनसम्पर्क समिति आयरल्याण्ड

वि.सं.२०७५ पुस १९ बिहीवार

207 

shares
NTC AD

 

नेपाली जनसम्पर्क समिति आयरल्यान्डले नयाँबर्ष २०१९ र ४३ औं राष्ट्रिय मेलमिलाप दिवसको अवसरमा भेटघाट तथा शुभकामना आदान प्रदानको कार्यक्रम आयोजना गर्ने भएको छ ।
७ जनवरी २०१९ सोमबारका दिन आयरल्यान्डको डब्लिनस्थित टीचर्स क्लबमा भेटघाट, शुभकामना आदानप्रदान तथा चियापानको कार्यक्रम गर्न समितिले जनाएको छ । कार्यक्रममा नेपाली दूताबास लन्डन लगायत आयरल्यान्डमा रहेका नेपाली संघ संस्थाहरु र आयरल्यान्डबासी सबै नेपालीहरुलाई उपस्थितिको लागि निमन्त्रणा गरिएको अध्यक्ष शुक्रराज न्यौपानेले बताएका छन् ।
त्यस्तै कार्यक्रमलाई संम्बोधन गर्न नेपाल तथा युरोपका कांग्रेस नेताहरुको उपस्थिति रहने जानकारी पनि अध्यक्ष न्यौपानेले जानकारी दिए ।

मातृपार्टी नेपाली कांग्रेसको परम्परागत चियापान कार्यक्रमलाई आयरल्यान्डमा पनि निरन्तरता दिने गरी समितिले यस्तो कार्यक्रम गर्न लागेको हो । आठ वर्षको भारत निर्वासनपछि २०३३ साल पुस १६ गते विपी कोइराला, गणेशमान सिंह, रामबाबु प्रसाई, शैलजा आचार्य, खुमबहादुर खड्का लगायतका कांग्रेस नेताहरु राष्ट्रिय एकता तथा मेलमिलापको नारा लिएर नेपाल फर्किएका थिए ।

२०१७ सालमा तत्कालीन राजा महेन्द्रले जननिर्वाचित प्रधानमन्त्री विपी कोइरालाको सरकार बर्खास्त गर्दै निर्दलीय पञ्चायती व्यवस्था लागु गरेपछि कोइरालासहितका नेतालाई ८ वर्ष जेल चलान गरिएको थियो ।

जेलबाट छुटेपछि २०२५ सालमा विपीसहितका कांग्रेस नेता भारत निर्वासमा गएका थिए । भारत निर्वासित भएर बस्दा पटकपटक अपमानित हुनु परेको र भारतले आफ्नो अनुकुलमा नेपालको राजनीति अघि बढाउन चाहेको निष्कर्षका साथ विपीसहितका नेता नेपालमै बसेर राजासँगै हातेमालो गर्न सकिने भन्दै नेपाल फर्किएका थिए ।

नेपाल फर्किएर राजासँग हातेमालो गरे अघि बढ्ने भन्दै आएका उनीसहितका नेतालाई त्रिभुवन विमानस्थलबाटै गिरफ्तार गरी सुन्दरीजल बन्दीगृहमा लगिएको थियो । त्यहि दिनको सम्झनामा पुस १६ गतेलाई मेलमिलाप दिवसका रुपमा मनाउन थालिएको हो ।

 

वि.सं.२०७५ पुस १९ बिहीवार ०९:०१ मा प्रकाशित

ADBL AD
अमेरिकामा संयुक्त तीज दर कार्यक्रमको आयोजना

अमेरिकामा संयुक्त तीज दर कार्यक्रमको आयोजना

अमेरिका । नेपाली हिन्दु नारीहरुको महान पवित्र पर्व हरितालिका तीजको...

नर्वेमा हरितालिका तिज सम्पन्न

नर्वेमा हरितालिका तिज सम्पन्न

प्रेम परियार, ओस्लो । नेपाली पोर्चुगिज समाज नर्वेको आयोजनामा राजधानी...

एनआरएनए सेसेल्सको आयोजनामा तीज सम्पन्न

एनआरएनए सेसेल्सको आयोजनामा तीज सम्पन्न

सेसेल्स । हरेक वर्ष झैं यस वर्ष पनि गैर आवासीय...

‘यति इन्टरनेसनल नेपाली फिल्म अवार्ड २०२४ (इन्फा)’ को मनोनय सार्वजनिक

‘यति इन्टरनेसनल नेपाली फिल्म अवार्ड २०२४ (इन्फा)’ को मनोनय सार्वजनिक

काठमाडौं । नेपाली चलचित्र क्षेत्रको अन्र्तराष्ट्रिय बजार बिस्तार, कलाकार, निर्माता,...

कतार नेपाली एकता समाजको केन्द्रीय समितिद्वारा प्रशिक्षण कार्यक्रम सम्पन्न

कतार नेपाली एकता समाजको केन्द्रीय समितिद्वारा प्रशिक्षण कार्यक्रम सम्पन्न

उद्धब मगर, दोहा कतार । कतार नेपाली एकता समाज केन्द्रिय...

युएईमा मृत्यु भएका कृष्णको शव ल्याउन समस्या

युएईमा मृत्यु भएका कृष्णको शव ल्याउन समस्या

काठमाडौँ । युएईमा मृत्यु भएका २४ वर्षीय कृष्णप्रसाद पाण्डेको शव...