हामी सबैकाे संसारन्यूज

२१ पुस, काठमाडौं । सत्तारुढ नेपाल कम्युनिष्ट पार्टी (नेकपा) का सांसद वाइड वडी जहाज खरिद अनियमितता को आरोप लागेका मन्त्री रविन्द्र अधिकारी र सचिव प्रेम राईको बचाउमा उभिएका छन् । छानविनका लागि गठित उपसमितिले संसद्को सार्वजनिक लेखा समितिलाई बुझाएको प्रतिवेदनमाथि भएको छलफलमा नेकपाका सांसद मन्त्री अधिकारी र सचिव राईको पक्षमा देखिएको आजको नागरिक दैनिकमा समाचार छ ।
लेखा समितिबाट गठित उपसमितिले नेपाल वायु सेवा निगमका महाप्रबन्धक सुगतरत्न कंसाकारसहित पर्यटनमन्त्री रविन्द्र अधिकारी, पूर्वपर्यटनमन्त्रीद्धय जीवन बहादुर साही र जितेन्द्र देवसहित पर्यटन सचिव कृष्ण प्रसाद देवकोटा, तत्कालिन पर्यटन सचिवहरु प्रेम राई (हाल गृहसचिव) र शंकर अधिकारी (हाल अवकाशप्राप्त) लाई कारबाही सिफारीस गर्दै बुधबार प्रतिवेदन बुझाएको थियो ।