हामी सबैकाे संसारन्यूज

२१ पुस, काठमाडौं ।  नेपाल कम्युनिष्ट पार्टी (नेकपा) को एकिकरण कार्यदलले  बाँकी  कामको गृहकार्य गोप्य रुपमा  अघि बढाएको छ । संगठनात्मक एकता  तथा एकीकरणका सम्बन्धमा गठित नौ सदस्यीय  कार्यदलले  गृहकार्य सुरु गरेको  हो । ललितपुरको एक होटलमा शुक्रबार बिहानदेखि साँझसम्म लगातार  सदस्यहरु छलफलमा जुँटे ।  केन्द्रीय सदस्यहरुको कार्य विभाजन,  जिल्ला नेतृत्व बाँडफाँड,  जनसंगठनहरुको  एकिकरण  देखि पोलिटव्युरो गठनसम्मको  प्रस्ट खाका  तयार पार्ने ‘म्यान्डेट’ कार्यदललाई छ ।  प्रारम्भिक चरणमा  एकिकरणको मापदण्डमा केन्द्रीत रहेर  छलफल भइरहेको कार्यदलका एक  सदस्यले बताए । १६ पुसमा  कार्यदल  सदस्यहरुले प्रधानमन्त्रीनिवास बालुवाटारमा बोलाएर अध्यक्ष केपी होली र पुष्पकमल दाहाल प्रचण्डले  १० दिनभित्र खाका तयार  पारिसक्न निर्देशन दिएका थिए ।  आजको  नयाँपत्रिका दैनिकबाट