हामी सबैकाे संसारन्यूज

पानस रेमिट प्रा.लिले मलेसियाबाट पनि रेमिट्यान्स सेवा सुरु गरेको छ ।  रेमिटले मलेसियामा रहेको TML Remittance Center (टिएमएल रेमिट्यान्स सेन्टर) मार्फत मलेसियाबाट आउने विप्रेषण रकम नेपालमा पानस रेमिट मार्फत भुक्तानी गर्ने सम्झौता भएको रेमिटले जनाएको छ । सम्झौतामा पानस रेमिटको तर्फवाट मुख्य कार्यकारी अधिकृत धर्म पौडेल र टिएमएल रेमिट्यान्सको तर्फवाट मुख्य कार्यकारी अधिकृत अलबर्ट लिमले हस्ताक्षर गरेका थिए ।

सम्झौता अनुसार टिएमएलका मलेसिया भरि रहेका ६० साखामार्फत् नेपाल पठाएको विप्रेषण रकम नेपालमा प्राप्त गर्ने व्यक्तिले पानस रेमिटको नेपालभर रहेको ७ हजार भुक्तानी केन्द्रहरुबाट सहज रुपमा भुक्तानी पाउन सक्नेछन् । पानस रेमिट विगत नौ वर्ष देखि यूरोप, अमेरिका, अस्ट्रेलिया, क्यानाडा र मध्यपूर्बी देशहरुबाट नेपाल रेमिट्यान्स भित्रयाई रहेको छ ।