हामी सबैकाे संसारन्यूज

२३ पुस काठमाडौ । खानेपानी मन्त्रालयले मेलम्ची ठेकेदार कोअपरेटिभा मुराटोरी ई सेमेन्टिस्टी सीएमसी डी रेभेन्नासँग वार्ताको वातावरण बनाउन आफुले जफत गरेको नौवटा धरौटीमध्ये आठ वटा फिर्ता गर्ने भएको छ ।
मन्त्रालयले इटालियन ठेकेदार सीएमसीले राखेको पर्फमेन्स बन्डबाहेक अरु फिर्ता गर्ने जनाएको छ । फिडिक ठेक्कअनुसार ठेकेदारले एडभान्स पेमेन्ट ग्यारेन्टी, रिटेन्सन, पर्फमेन्स बन्ड , अन डिमान्ड बन्डलगायत नौ प्रकारका धरौटी राख्नुपर्ने हुन्छ ।

मन्त्रालयले यी धरौटी जफत गर्ने प्रक्रिया अघि बढाएपछि ठेकेदार उच्च अदालत पुगेको थियो । अदालतले सरकारलाई ती धरौटी रोक्का राख्न आदेश दिएको थियो । आदेशपछि मन्त्रालयले धमाधम धरौटी नवलतको प्रक्रिया अघि बढाएको थियो ।
मन्त्रालय स्रोतका अनुसार सीएमसीका प्रमुख कार्यकारी अधिकृत सीईओ पाउलो पोर्सेली आउनुअघि नै मन्त्रालयले वार्ताको वातावरण उसका पुर्वआंशिक माग सम्बोधन गर्न तयार भएको हो । पोर्सेली आइतबार बेलुकी नेपाल आउने कार्यसुची भएपनि उनी आज बेलुकी नेपाल आइपुग्ने जानकारी मन्त्रालयले पाएको छ । आजको अन्नपुर्ण पोस्ट दैनिक समाचारमा छ ।