Logo
१५ मंसिर २०७९, बिहीबार
     Thu Dec 1 2022
E-paper
  English Edition
   Unicode
Logo

अस्पताल बनाउन रु एक करोड दान



२३ पुस, दमौली  । तनहुँको बन्दीपुर पुख्र्यौली घर भई हाल चितवन बस्ने कृष्णलाल प्रधान र चिरञ्जीवी प्रधानले बन्दीपुर अस्पताल निर्माणका लागि रु एक करोड दान गरेका छन् ।
आफ्ना स्व बुबा शम्भुलाल प्रधान र आमा बालकुमारी प्रधानको स्मृतिमा उनीहरुले अस्पताल निर्माणका लागि उक्त रकम दान गरेका हुन् । अस्पताल भवन जीर्ण भएपछि गाउँपालिकाले नयाँ भवन निर्माण शुरु गरेको छ । भवनको आज गाउँपालिकाका अध्यक्ष पूर्णसिं थापाले शिलान्यास गरेका छन् ।
बुबाआमाको स्मृतिमा केही रकम सामाजिक सेवामा लगानी गर्ने उद्देश्यसहित अस्पताल बनाउन उक्त रकम गाउँपालिकालाई प्रदान गरेको कृष्णलाल प्रधानले जानकारी दिए । गाउँपालिकाले अस्पताल निर्माणका लागि सहयोग गर्न आग्रह गरेपछि सो रकम प्रदान गरेको उनले बताए ।

मानव अङ्ग प्रत्यारोपण केन्द्र तथा ज्येष्ठ नागरिक अस्पतालका रुपमा सञ्चालन गर्ने गाउँपालिकाको लक्ष्य रहेको अध्यक्ष थापाले जानकारी दिए । करीब रु छ करोडको लागतमा बन्ने अस्पताल भवन चार तलाको हुनेछ । तत्कालका लागि दुई तल्लाको बनाइने र एक तल्ला प्रधान परिवारको स्मृतिमा नामाकरण हुने बताइएको छ । भवन निर्माणका लागि गाउँपालिकाले समेत केही रकम हाल्ने र अपुग रकम बन्दीपुरवासीसँग सङ्कलन गरिने उनले बताए । उनका अनुसार अस्पताल भवन निर्माणका लागि प्रधान परिवारले थप रु ५० लाख सहयोग गर्ने प्रतिबद्धता जनाएका छन् ।


यो खबर पढेर तपाईलाई कस्तो महसुस भयो ?

काठमाडौं । अघिल्लो निर्वाचनमा नेपाली कांग्रेस तीनै तहको सरकारमा दोस्रो स्थानमा सीमित हुन पुगेको

काठमाडौं । हालसम्ममा जम्मा दुई लघुवित्त वित्तीय संस्थाले मात्रै गत आर्थिक वर्ष २०७८/७९ सम्मको

काठमाडौं । काठमाडौंमा मोटरसाइकल दुर्घटनामा परी २ जनाको मृत्यु भएको छ । गोकर्णेश्वर नगरपालिका–४