हामी सबैकाे संसारन्यूज

२५ पुस, काठमाडौं । ग्रामिण दुरसञ्चार कोषको अनुदानमा सञ्चालित ठूला परियोजना अलपत्र परेका छन् । नेपाल दूरसञ्चार प्राधिकरणबाट १२ अर्ब ७० करो रुपैयाँको ब्रोडब्यान्ड एक्सेस नेटवर्क र अप्टिकल ब्याकबोन नेटवर्क परियोजनाको जिम्मा नेपाल टेलिकम सहितका कम्पनीले लिएका छन् । तर, कुनैले पनि समयमा काम सकेका छैन्् ।
मध्यपहाडी लोकमार्गको अप्टिकल फाइबर विस्तारको जिम्मा नेपाल टेलिकम, यूटियल र स्र्माट टेलिकमले लिएका छन् । तिनको काम सन्तोषजनक छैन । प्राधिकरणको महत्वकांक्षी परियोजना अप्टिकल ब्याकबोन नेटवर्क परियोजनाका लागि मात्रै नौ अर्ब ८८ करोड रुपैयाँ रकम छुट्याइएको थियो ।
टेलिकमलाई प्राधिकरण्ले ४ अर्ब ८७ करोड अनुदान उपलब्ध गराउनेछ । नेपाल टेलिकमसँग २०७३ असोजमा यसको सम्झौता गरेको थियो । तर, कम्पनीले काम सकिने समयमा बोलपत्र मात्रै आव्हान गरेको छ । आजको अन्नपूर्णपोष्ट दैनिकबाट