हामी सबैकाे संसारन्यूज

२५ पुस, काठमाडौं । सन् २०१८ मा ११ लाख ७३ हजार ७२ जना पर्यटक नेपाल भ्रमणमा आएका छन् । यो संख्या हालसम्मकै बढी हो । नेपाल पर्यटन बोर्डले दिएको जानकारी अनुसार यो संख्या २०१७ को तुलनामा २४.७७ प्रतिशत बढी छ । सन् २०१७ मा नौ लाख ४० हजार दुई सय १८ जना पर्यटक नेपाल आएका थिए । हवाई मार्गबाट नौ लाख ६९ हजार दुईसय ८७ र स्थलमार्गबाट दुई लाख तीन हजार साय सय ८५ जना पर्यटक नेपाल भित्रिएको तथ्यांक छ ।
एक वर्षको अवधिमा सबैभन्दा बढी भारतीय पर्यटक आएका छन् । सन् २०१८ मा दुई लाख ४ सय २८ जना भारतीय पर्यटक आएका छन् । सन् २०१७ मा नेपाल भ्रमण गर्ने भारतीयको संख्या एक लाख ६८ हजार थियो । हवाई मार्ग भएर नेपाल आउने भारतीय पर्यटकको संख्या गतवर्षको तुलनामा २५.१ प्रतिशत बढी हो । त्यस्तै नेपाल भ्रमण गर्न आउने पर्यटकमा चीन दोश्रो नम्बरमा रहेको छ । चीनबाट एक लाख ५३ हजार र तेश्रोमा अमेरिकाबाट ९१ हजार सातसय ८५ पर्यटक आएका छन् । बेलायतबाट ६३ हजार ८६ जना आएका छन् । आजको अन्नपूर्णपोष्ट दैनिकबाट